Архивы за месяц: Июль 2018

Düündän sora

Resimdä gelin benim büük kakum, sol tarafında benim personam, saa tarafında ikinci kakum, iki zıvlaylan küçük kızkardaşım. Kenarlarda lelü uşakları.

Bitti düün, sustu garmoni,

Geçirdilär sadıcı.

İçerdä  güvää gelinnän

Paralêêrlar pilici.

 

İkisi süüşü iyerlär,

Olsun ayledä kısmet.

Kemikleri da gömerlär ‒

Eveldän ölä adet.

 

» Читать далее

Gagauz kultura merkezi «Aydınnıktan» kiyat kabletti

Orak ayının 13-dä «Aydınnık» CT adından Kurçudaki Ukraina gagauzlarının Kultura merkezi kabletti «Hakikatın sesi» kiyatlarını hem «Masal kutusunu», angısını çıkardı TİKA.

«Hakikatın sesi» toplumuna girdi gagauz yazıcıların hem peetçilerin eni yaratlamaları, angıları taa ileri tiparlandıydı «Hakikatın sesi» gazetasında. Kiyatlar daadılacek gagauz küülerinin bibliotekalarına.

» Читать далее

Sarfoşluktan ayıklaa VI: yukarı hem aşaa

Annadacam sizä bir annatma. Olur mu? Bibliyadan bir annatma padișah Navuhodonosor için. Ama ilkin annadayım sizä biraz benim yașamam için. Bu ișlär oldular o vakıt, açan bän çok içärdim. Of, prost edin beni, ani hep az düzgünnük var benim yazımda. Bän diildim islää avtor, ‒ șüpesiz siz ölä söleyeceniz! ‒ ama sade bir sıradan adam angısı yazêr kendi yașaması için.

Açan çok içärdim, benim vardı büük düșlerim, büük plannarım. Büün fukaarayım, kendi-kendimä dedim, ama yaarın oligarh olacam! Halizdän kimär kerä çok para geldi cöbümä, ama hep kaybettim onnnarı. Sayısız kerä gittim saklı karti oyununa ‒ ozaman yoktu kazinolar ‒ da kazandım zenginnik, deyelim, ama sorna hiç yapmardım nicä bir aarif insan, ani çıkêr oradan, açan onda var çok para, ama kaldım orada da verdim hepsi paramı geeri bașka oyunculara. Onnar hep güldülär bana: “Ha-ha, ha-ha, ‒ sölärdilär, ‒ hoș geldiniz, boș gittiniz!”

» Читать далее