Açan hiç açmêêr zerdeli

İlkyaz ‒ o en gözäl zaman,

Gezerlär insannar kefli,

Ama raatlıım yok ozaman,

Açan hiç açmêêr zerdeli.

 

Gelärsän yanıma benim,

Olarsa sevgimiz belli,

Lääzım mı bän sevineyim,

Açan hiç açmêêr zerdeli?

 

İstämeerim benim kanım

İhtiarlıkta olsun deli.

Hep darsıklaa düşer canım,

Açan hiç açmêêr zerdeli.

 

Yaşamamız bizim kaçêr,

Hiç yok nasıl dönmää geeri,

Yaşarkan, bak, nicä açêr

Zerdelinin çiçekleri.

 

Viktor Franjev