Annatma yarışmasının premiya fondu belli oldu

«Hakikatın sesi» gazetası bildirdi, ani başladêr gagauz dilindä triller hem detektiv annatmaları yarışmasını. Bildirimdä açıklandı, ani birinci erä verilecek para premiyası, taa iki er dä baaşış kabledecek.

Yarışmanın sponsoru Vladimir Kroytor, angısı taa ileri dä baaşış verdi «Aydınnık» CT geçirdii «Kolada-2014» yarışmasının ilk erleri alannara, bildirdi, ani bu yarışmada da sponsor olacek. Onun katkılarınnan şindiki premiya fondu butakım oldu:

I er: 2 500 ley

II er: 1 500 ley

III er: 1 000 ley

Bundan başka, hepsi katılımcılar «Aydınnık» CT-dan kiyat hem katılım diplomu kabledecek. En ii annatmalar da «Hakikatın sesi» gazetasında tiparlanacek.

Yarışmaya var nicä katılsın 18 yaşından büük kişilär. Annatmalar lääzım başka erdä yayınnanmamış olsun. Bir kişi var nicä en çok üç annatma yollasın (kopusciuv@mail.ru). Annatmaları lääzım yollamaa 2017 yılın hederlez ayının 31-ä kadar.

 

1 комментарий

Добавить комментарий