Aya Sofiya. Mandelştamın ardına

Aya Sofiya… Bu erdä halklar

Karışsınnar, Saabi daava kestiydi.

O düzülärkän, durgundu saatlar,

Beş buçuk yıl düzülmeyä ettiydi.

 

Kurup Sofiyayı çok yıl geeri,

Yustinian örnek bizä olduydu.

Hem Vizantiyanın zenginneri

Bu kliseyi altınnan doldurduydu.

 

Resimcilär, onu gözelledip,

Yarattılar ikona hem skulptura.

Konstantindän iki üz yıl geçip,

Zenginnedi romeylerdä kultura.

 

Gözäl Sofiya, herersi şılêr,

İçi dolduynan miru kokusunnan.

Kırk pençerä onu aydınnadêr

Açık hem güneşli gündüz şafkınnan.

 

Bu düzüntü gelän asirleri

Birär-birär geçirecek, durarkan

Hep o erdä, da, nicä ileri,

Toplayacek insannarı, çaararkan.

 

Viktor Franjev