Dua

Verdin bana güüdä, ne yapayım onunnan?
Üüret, da güüdemi kullanayım dooru.
Hem yolunu göster bana kendi kolunnan.
Gidärkän Senin yolundan, beni koru.

Verdin bana fikir, düşüneyim isteersin
Hem yaşayım, kötülerdän korunarak.
Açan Sendän dönerim, Sän beni çarêrsın,
Zerä Sän yol, hem hakikat, hem yaşamak.

Sän göz verdin bana, dolaylara bakarkan,
Bän göreyim Senin gözäl yaratmanı.
Hem bitkisiz Senin arifliini görärkän,
Benim bütün üräämnän mutlayım Seni.

Baaşışların için Sana şükür ederim,
Sensiz yufkayım, nicä lüzgerdä fidan.
Bunu annayarak, bän genä yalvarêrım:
Baaşla bana kuvet, sevgi, umut, inan.

Viktor Franjev