Gagauziya için peet yarışmasının çıkışları belli oldu

Harman ayının 19-da kutlanêr Gagauz Respublikasının kurulması. Bu gün için Gagauziya Kultura hem turizma bakannıı geçirdi Gagauziya için peet yarışması. Avtorlar vardı nicä yollasınnar yaratmalarını gagauzça hem rusça. 18 avtor yarışmaya yolladı 26 yaratma.

Harman ayının 15-dä jüri belli etti, kim kazandı ilk üç eri. Birinci oldu Viktor Kopuşçu, ikinci Georgi Topal, üçüncü Aleksandra Kristova. Hepsi peetlär gagauz dilindä, bildirer Kultura hem turizma bakannıı.

Harman ayının 19-da Komrat kultura evindä ilk üç eri kazanan kişilerä diplom hem baaşış verilecek.

Viktor Kopuşçu hem Aleksandra Kristova «Hakikatın sesi» gazetasının zaametçiler. Kutlêêrız onnarı hem Georgi Topalı da bekleeriz onnardan ileriyä dooru da başarılar.