Kısmet

Büük kısmet, kalktıynan erken,

Kendi topraana basmaa.

Güllü başçaya girdiykän,

Kokudan sersem olmaa.

 

Aulda, dolu fidannan,

Kuş sıklıını seslemää.

Kirezi, çiçek açtıynan,

Yavkluyu  gibi sevmää.

 

Siiretmää, nicä açêrlar,

Kauk gibi, çiçeklär.

Nicä ilkyazın diişerlär,

Hergün başka feneţlär.

 

Şaşmaa, ani ev boyunca

Büüyer biyaz ergivan.

Da mayıl olmaa doyunca,

Ne helal bu pelivan!

 

Tanışmaa bütün dünnäylän ‒

Sevmää kendi erini,

Korumaa bütün güüdäylän

Vatanı hem evini!

 

Aleksandra Kristova