Köpek türküsü

Köpeklär gezer sürüylän,

Aaranêrlar, ne imää,

Uluyêrlar kär türküylän,

Başlayıp dua etmää.

 

Türküyü onnar çalêrlar,

Aaladıp dolayları,

Sansın analar aalêêrlar,

Ani yoktur oolları.

 

Bir dişi köpek ulumêêr,

Sürünün en uslusu,

Nezamandan hiç uyumêêr ‒

Kaybelmiştir yavrusu.

 

İnsannar uşaa kutlêêrlar,

Baaşışı onun diri.

Köpeklär hep uluyêrlar,

Uluyamêêr salt biri.

 

Viktor Kopuşçu