Nasaat

Uykusuzluk seni tutarsa,

Hiç kahırlanma bu işä.

Hem arkanda ükün çok arsa,

Payet o aar ükü beşä.

 

Sän gecelärlän uyumarkan,

Oku kalın kiyatları.

Hem ükünü dä taşıyarkan,

Ol çalışkan, nicä arı.

 

O kiyatlar dolu bilgiylän,

Ani olêr bizä yardım.

Aar ükünü dä indirdiynän,

Sän brakma yolunu yarım.

 

Hiç kavgalaşma ecelinnän,

Düştüynän, kalk, suusun kanın.

Neyä etişmedin elinnän,

Ona etişecek canın.

 

Viktor Franjev