Seni sevärseydi Allah

Seni  sevärseydi anan,

Sän  kuytuda durêrsın,

Seni bekler dolu sofra,

Evä hep bir dönersin.

 

Seni sevärseydi boban,

Sän arkanı duyêrsın,

Boban destek olêr zorda,

Ona sän aardılêrsın.

 

Kardaş sevärseydi seni,

Kan-kardaşlıı sayêrsın.

Ona verersin elini

Hem da destek olêrsın.

 

Seni sevärseydi dostun,

Sän bir lafçı bulêrsın.

Ona senin açık kapun,

Dostlaa sän sevinersin.

 

Seni sevärseydi eşin,

Sän kısmetli yaşêêrsın,

Hem yaşamak uygun, metin,

Açan uşak büüdersin.

 

Seni sevärseydi Allah,

Hakikatı duyêrsın,

Kolay çıkêrsın beladan

Hem kanatsız uçêrsın.

 

Seni sevärseydi Allah,

Başka bişeyä çökmä.

Bütün dünnä da atılsa,

Hiç kimsey’çin yaş dökmä.

 

Aleksandra Kristova