Yahya Kemal Beyatlı Üsküptä peetlärlän anıldı

Türk literaturasında büük bir er kaplayan Yahya Kemal Beyatlı ölümünün 60-cı yılında memleketi olan Üsküp kasabasında anıldı.

MATÜSİTEB adlı cümnä topluluu Makedoniya Respublikası kultura bakannıının yardımınnan Yahya Kemal Beyatlıya adanmış bir peet avşamı tertipledi. Peet toplantısında Makedoniyadan, Türkiyadan, Azerbaycandan, Gagauz Erindän, İraktan, Bulgariyadan, Batı Frakiyadan hem Kosovadan katılımcılar bireri toplandı. Makedoniya Respublikası kultura bakanı Asaf Ademinin dä katıldıı hem sözünü türkçä hem arnautça söledii peet toplantısı Üsküp kasabasının türk çarşısında bulunan Sulu Handa yapıldı.

Bakan Asaf Ademinin hem MATÜSİTEB başı Hüsrev Eminin sözlerindän sora Türk yazıcılar birliinin şannı başı Mehmet Dogan Yahya Kemal Beyatlının yaratmalarında Üsküp izleri için bir konuşma yaptı. Türk dünnesinin çeşitli erlerindän gelän peetçilär dä cannı muzika eşliindä peet okudular.

Gagauziyadan peet toplantısına katıldı Viktor Kopuşçu.

Foto kaynaa: https://www.facebook.com/timebalkan/